ENGLISH

 

Со особено задоволство би сакале да ви го најавиме одржувањето на два претстојни настани кои ќе се одржат во рамки на

 

МАСИТ ИКТ ДЕНОВИ
26-27.09.2017

хотел „Александар Палас“ – Скопје

 

ФОРУМ: Регулатива на работните односи и пазарот на труд во рамки на ИКТ секторот

26 Септември 2017 (вторник)

 

Форумот се организира од страна на МАСИТ во рамки на Проектот на УСАИД – Партнерство за подобра бизнис регулатива во кој МАСИТ е партнер заедно со Стопанската комора на Македонија, Стопанската комора на Северо – Западна Македонија и Епи Центар Интернационал.

 

Целта на форумот е да се обработат и дискутираат теми поврзани со регулативата на работните односи а кои се специфични за ИКТ (информатички и комуникациски технологии) секторот, односно:

  • Регулирање на работните односи во ИКТ секторот (флексибилност на работно време, прекувремена работа, работа од дома, пракси)
  • Плати и надоместоци од работен однос (плаќање на работата, прекувремени часови, работа на празник, распоред на работно време и различните временски зони, надоместоци на трошоци за службен пат, подолг престој во странство, дополнителни исплати/подароци/стимулации/награди на вработените)
  • Учество на државата во прилагодување на потребите на пазарот на труд: регулирање на пракси/подготовка на кадри за кариера во ИКТ секторот – успешни примери од странство
  • ФОРУМ ДИСКУСИЈА со учесниците на настанот во рамки на кои покрај експертите ќе бидат поканети да земат учество и претставници од Министерство за труд и социјална политика, Министерство за образование и наука, Министерство за информатичко општество и администрација, Државен инспекторат за труд, претставници од ИКТ приватниот сектор, претставници од факултетите кои образуваат ИКТ кадри и претставници од интернационални организации кои имаат активности во оваа област

 

АГЕНДА

 

РЕГИСТРАЦИСКА ФОРМА - Учеството на форумот е бесплатно со задолжителна претходна регистрација и е отворено за претставници од ИКТ компаниите, институции и организации.

 

 

 

КОНФЕРЕНЦИЈА за иновативни ИКТ решенија и трендови

27 Септември 2017 (среда)

 

Оваа конференција е организирана од МАСИТ како главен организатор и е поддржана од страна на Министерството за економија на Македонија преку проект од Програмата за поддршка и развој на кластерско здружување.

Конференцијата има за цел да опфати и дискутира теми и прашања од областа на ИКТ иновациите поврзани со:

  • Како компаниите, науката, и државата ефикасно да соработуваат со цел да го подигнат нивото на иновативност во македонските ИКТ компании? (панел дискусија)  
  • Претставување на иницијативи за поттикнување и поддршка на иновативноста на мали и средни претпријатија
  • Презентации на искуства од други држави во делот на поддршка и поттикнување на иновативноста
  • Искуства од домашните ИКТ компании за иновативни решенија, проекти, методологии и трендови

 

 

АГЕНДА

 

РЕГИСТРАЦИСКА ФОРМА - Учеството на форумот е бесплатно со задолжителна претходна регистрација и е отворено за претставници од ИКТ компаниите и други сектори, институции и организации.

 

МОЖНОСТИ ЗА ПРЕЗЕНТАЦИЈА И СПОНЗОРСКИ ПАКЕТИ - Доколку сакате да го презентирате вашето решение или успешна приказна информирајте се за можностите за спонзорство и презентација.

 

 

 

Погледнете дел од атмосферата на минатогодишната конференција на МАСИТ – ИКТ во агробизнис